بەناوی خودای دانەری گەردوون
ئێمەی لە نەبوون، هێناوەتە بوون
دروود و سەلام لە پێغەمبەران
لە پێغەمبەری ئاخری زەمان
مژدەی هاتنی پێش خۆی درابوو
ڕەوشتی بەرزی وەسف کرابوو
کە هاتە دونیا، بێناز و بێکەس
نە دایک و باوک، خودای کەس بوو بەس
حەلیمەی سەعدیە، شیری پێ داوە
لە لای باپیرەی گەورە کراوە
کە باپیری مرد، هێشتا منداڵ بوو
ئەو شوانی دەکرد، بێ ماڵ و حاڵ بوو
جا ئەبوو تاڵیب، مامی پێغەمبەر
بردییە لای خۆی، سەییدی سەروەر
تا بیپارێزێت لە خراپ و بەدکار
خۆی گەورەی بکات، برازای نازدار
خودا گەورەی کرد، کردییە پێغەمبەر
پەیامی ئاشتی هێنا بۆ بەشەر
هەرچەند دوژمنی زۆر دەوری دابوو
دوا پێغەمبەر و نێردراوی خودا بوو
محەممەد بەرزە ڕەوشتی پاکی
هیجرەتی فەرموو، جێ بهێڵێت خاکی
مەدینەی شیرین لە باوەشی گرت
بە ڕۆیشتنی ئەو، مەککەی بێناز کرد
خودا سەری خست، نەبی و یارانی
خۆشی بۆ مەککە و گشت جیهان هانی
خودا سەری خست، نەبی و یارانی
خۆشی بۆ مەککە و گشت جیهان هانی
