علشان أنا عينى تشوف الدنيا
إستحملتى ألم كبير
بتعدى الوقت الثانية بثانية
برضه تِسَع شهور كتير
وسهرتى سنين تهتمى بيا
مستشفيات ومشاوير
أخرتها أنا شحط وقد الدنيا
بس فجأة ببقى قاسى
وناسى حاجات كتير
ياما إتماديت
وياما إتخطيت
وإنتى تخاصمينى
ببقى متأكد
إنك مسامحانى
وبتدعيلى
انا ياما كنت بكدب
لما كنتى بتجينى
وتواجهينى
سامحينى
أصل أنا قدامك جبان
مقدرش أصارحك بحقيقتى
أصل الوضع خطير
مبقتش اللى إنتى عارفاه
مبقتش اللى إنتى حافظاه
وعجناه وخبزاه
مبقتش اللى إنتى فاهماه
مبقتش اللى إنتى تبصى فعينه
وتبقى مصدقاه
ضاع إستثمارك يامّا
ضاع إستثمارك فيا
وضاع الأمل
مبقتش أنا إبنك البار
ضيعت أجمل أيام وسنين من عمرى
عشان أنا حمار
ضاعت فى الهزار
ضاعت بإستهتار
ضاعت فى القمار
ضاعت فى الأوهام
ضاعت فى السهرات
ضاعت فى الحوارات
ضاعت عالصحاب
ضاعت فى الكلام
ضاعت فى مين قال
ضاعت فى مال
ضاعت فى مين شال
ضاعت فى الأفلام
ضاعت فى الإدمان
ضاعت فى النسوان
ضاعت فى الضياع
ضاعت بإستسلام
ياما إتماديت
وياما إتخطيت
وإنتى تخاصمينى
ببقى متأكد
إنك مسامحانى
وبتدعيلى
انا ياما كنت بكدب
لما كنتى بتجينى
وتواجهينى
سامحينى
أصل أنا قدامك جبان
مقدرش أصارحك بحقيقتى
أصل الوضع خطير
يارب إقبل دُعاها و إصلح حالى و توب عليا
