كان ليا يوم صاحب جدع. لكن خلاص مبقاش جدع. من بعد عشرت عمرنا بقينا بنشوف البدع
كنت ارجل حد شوفتوا وكنت طيب
كنت عالمشيين غلط دايما تعيب
ليه بقيت بالشكل ده دمرت حالك
عالكيف مضيع صحتك ضيعت مالك
ليه بقيت فى عنيا حد انا معرفوش
دنتا كنت فيوم ياصحابى راجل جدع
كان ليا يوم صاحب جدع
............
كنت اجمل شئ حصلى كنت اخويا
كنت اقرب حد ليا بدرجه اولى
كنت اغلا من اللى ليا وابن دمى
ليه الحياه قلبت كداا خلتنى بدموعى بغنى
واللى افتكرته ضهر ليا وكان سند
كان مابنا عهد نفضل للابد
وبدل مايكمل فرحنا
حسيت انا بسببه الوجع
كان ليا يوم صاحب جدع
...........
اشهد علينا يازمان
بعد ماكنا صحبه وجيران
وكان لايمكن نفترق معرفش ليه الحب هان
كل اما اقرب منه بالاقيه يبتعد
. كأنه ولا يعرفنى يوم من غير سبب
لكن غلاوته جوه قلبى وعشرته
واجب عليا ليك ياصحبى العتب
كان ليا يوم صاحب جدع
...
لاخر لحظه من عمرى
ححافظ عاللى كان بنا
وتانى همدلك ايدى
عشان يمكن تكون اقوى
وتهرب من طريق مسدود نهايته هلاااك
وانا جمبك حكون ساندك وهبقى معاااك
مش هسيبك تضيع منى فى لحظة ضعف
خليك صاحب جدع
