شُفت الهلال حسيت بفرحه وراحه زال من بعدها
كل الهموم ولاقيت في قلبي محبه لناس كلها
وحشاني ايام زمان إيام شهر رمضان وانا صغير وبلعب ويا ولاد الجيران
وناس علينا غالين كانو بينا موجدين ولما كنت حاسس وياها بالأمان
شعراوي وخواطره الي قبل الفطار والنقشبندي بيقول ابتهالات
وصلاه التراويح والناس ماليا المساجد رمضان بيجي وشايل جوانا ذكريات
واغاني طول اليوم مرحب بشهر الصوم واطفال في الشوارع بتلعب بالفانوس
ومسحراتي بينده عا الناس قبل السحور رمضان ده بيجي فرصه بتصلح النفوس
