على ارضها اتمختر ياسطا
باللي معاه بس الواسطة
اما بقى الشعب الغلبان
يرتاح و يقعد عالباسطة
على ارضها اتمختر جامد
ده شعبها صابر صامد
بيتنهب من يوم الدين
و برضو مستني سي حامد
على ارضها اتمختر بجنون
ده شعبها ده عطوف و حنون
بيدعموله في التموين
و مصر ياخده كله صابون
على ارضها اتمختر سيكا
حاسس كإني في امريكا
تلقى العيال شايلين في سلاح
و ان جيت تتكلم يديكا
على ارضها اتمختر سنتي
فرجني عالحلوة مدينتي
فيها الزبالة سبع اكوام
تجيبلك الامراض وقتي
