من أول ما شفتك فز قلبي بدون أسباب

وبعدين صرت أوله على شوفتك دايم

سلامٍ على قلبي ‏سلام على الأهداب

‏من العام وأنا في بحر سودها عايم

((تملكتني وأحاول اتمالك الأعصاب

‏عيون البشر ما ترحم العاشق الهايم))

‏واثاره صحيح ان مال راع الهوى لايم

((تعال اسكن بروحي واسكر عليك الباب

زعيم ٍ على بابه تشوف الحرس قايم))

‏.....

نبت لك بصدري روض ٍ اخضر يفوح اطياب

سقاه الغلا عصرية ٍ جوها غايم

انا شاريٍ قربك واعدك من الاقراب

لو ان الثمن عمري على سومة السايم

((معك للحياه ألوان تشكيلها جذاب

‏خذتني من أصحابي ومن غيرها شايم))

اعيش انتظر شوفك واشوف الوجيه اغراب

بدونك ترا الدنيا عن افراحها صايم

((غريق الغرام يدور لقشة الاحباب

الى اخر رمق يبحث عن اخر امل دايم))