يريت يا حبيبتي وحياتك

في وقت م آجي على بالك

تشوفي شوقي بالإحساس

وحالي يكون ف جوف حالك

.

ساعات أتمنى واتغنى

بحبك دا اللي وداني

طريق كل ما اما أقول هشبع

جمال يتعاد جمال تاني

.

كما الورده ف تكوينك

ف عطرك برده في نعومتك

وف الرقة وألوانك

وف كلامك وفي صمتك

.

بحبك حب مش عارفه

ومش فاهم واخدني لفين

لكنه جميل معيشني

حياة بره الحياة بسنين

.

تعالي ف حضني واحكيلي

واحكيلك عن الدنيا

وبعد م تحكي بصيلي

وميلي شوية بشوية