الدرس انتهى

لموا الكراريس

بالدم اللي على ورقهم سال.. فى قصر الأمم المتحدة..

مسابقة لرسوم الأطفال..

إيه رأيك في البقع الحمرا..

يا ضمير العالم يا عزيزي..

دي لطفلة مصرية وسمرا ..

كانت من أشطر تلاميذي..

دمها راسم زهرة..

راسم راية ثورة..

راسم وجه مؤامرة..

راسم خلق جبارة..

راسم نار.. راسم عار..

ع الصهيونية والاستعمار..

راسم نار.. راسم عار..

ع الصهيونية والاستعمار..

والدنيا اللي عليهم صابرة..

وساكتة على فعل الأباليس..

الدرس انتهى..

لموا الكراريس..

بالدم اللي على ورقهم سال.. في قصر الأمم المتحدة..

مسابقة لرسوم الأطفال..

إيه رأى رجال الفكر الحر..

في الفكرة دي المنقوشة بالدم..

من طفل فقير مولود في المر..

لكن كان حلو ضحوك الفم..

إيه رأى رجال الفكر الحر..

في الفكرة دي المنقوشة بالدم..

من طفل فقير مولود في المر..

لكن كان حلو ضحوك الفم..

لكن كان حلو ضحوك الفم..

الدرس انتهى..

لموا الكراريس..

بالدم اللي على ورقهم سال.. في قصر الأمم المتحدة..

مسابقة لرسوم الأطفال..

إيه رأيك يا شعب يا عربي

إيه رأيك يا شعب الأحرار

دم الأطفال جايلك يحبي..

يقول انتقموا من الأشرار..

إيه رأيك يا شعب يا عربي

إيه رأيك يا شعب الأحرار

دم الأطفال جايلك يحبي..

يقول انتقموا من الأشرار..

ويسيل ع الأوراق..يتهجى الأسماء..

ويطالب الأباء..بالثأر للأبناء..