يمرني طاريك واقول محلاك
يا مرحبا فطاريك يا الله حيه
تضحك لي الدنيا
اذا تضحك شفاك
واموت لو تزعل ثواني عليه
يا روح روحي يا بعد روح مضناك
الى النهاية وياك وابعد شويه
الناس تستبشر قدومك ومسعاك
كنك سهيل النجم صيف وشتيه
يمرني طاريك واقول محلاك
يا مرحبا فطاريك يا الله حيه
من شوفتك من هيبتك ومحياك
العين ترّقب طلتك البهيه
يا شمس عمري يا
مدارات وأفلاك
تمد نور البدر وتزيد ضيه
هديتني قلبك يا محلا هداياك
يا أجمل عطايا الرب واجمل هديه
أعيش عمري وياك واموت وياك
على الاقل اموت وأيدك ف أيديه
يمرني طاريك واقول محلاك
يا مرحبا فطاريك يا الله حيه
يعلني افداك وافداك وافداك
يا واحدن ف الناس مافيه زيه
كم اتريا القلب يبرد بلقياك
ظلك سحرني يوم بينت فَيّه
يا روح روحي يا بعد روح مضناك
الى النهاية وياك وابعد شويه
أعيش عمري وياك واموت وياك
على الاقل اموت وأيدك ف أيديه
