كان ممكن نتفارق بشياكة
كان ممكن حتى تعاتبي و متناميش زعلانة
كان ممكن تسأليني "اللي اتقال كان حقيقي؟"
و انا ساعتها بـ كل بساطة كنت هقولك كل حاجة
لو كنتي فعلًا ناوية تبقي كنتي حاولتي
تسأليني ، تفهميني ، او تديني فرصة اشرحلك
لكن صدقتي كل اللي اتقالك من غيري
مع ان كل خطوة مشيتها كانت عشان مصلحتك
رغم اني قولت ليكي كتير
انا مش هنطق "بحبك" لو كان اللي بينا سرير
و برده اختارتي انك تفارقيني الطريق
و مشيتي في سكة عتمة رجوعك منها مستحيل
معقول غبائك كان بيصور ليكي اني
مش عايزك تبقي ناجحه او مش عايزك احسن مني!
ملعون صحابك اللي مبوظين دماغك
اللي عشانهم بيعتي حد باع الدنيا دي عشانك
وبتسالني باقي ايه؟
فاضل ايه ابكي عليه؟
و كله راح فين؟
و انتي كنتي منهم ليه؟
و اديك خسرت كل شيء
الحب مش كفاية و هي هتنسى بعد فترة
شوف كنا فين و بقينا فين!
مين فينا كان صريح مين فينا حب التاني اصلًا؟
كانت بتكدب تحت اسم "خوفت اقولك"
و اعذارها مش كفاية في الحالتين اسمها "بتكدب"
ربنا بيكشف كل حاجة و دي مكانتش صدفة
كان لازم افهم فعلًا ان انا منفعش احبك
عشان مش كل الصور تتاخد من زاوية واحدة
و لإن مش كل الرجالة هيشوفوكي لحمة
فـ ياريت بلاش تعاتبي الناس من غير ما تبقي فاهمة
قبل اما تلومي حد حاولي تشوفي الصورة كاملة
محدش فينا كان ملاك محدش مبيغلطش
الفكرة انك تعترفي و ان الغلطة متتكررش
الكبر فـ اي علاقة بيبقى بجد نهايته تقرف
و هنخسر كل شيء عشان فشلنا نسمع بعض
وبتسالني باقي ايه؟
فاضل ايه ابكي عليه؟
و كله راح فين؟
و انتي كنتي منهم ليه؟
