قلبك ليه راميني في دوامة؟
حاسس بالوحدة وبإهانة
حاسس بحاجات مش حاسسها
أنا شكلي بتوه
مش عارف ليه دايمًا أنا؟
ببقى وحيد لو كان في ألم
هل يبقى كتير لو في سند؟
أنا شكلي بموت
مستكتره ليه أرتاح حبه؟
تفتكري في بُعدي في حاجة فارقة؟
تفتكري إن جيت حضنك هبقى حاسس إنك فاهمة وحاسة؟
تفتكري إن مُت هيدعوا لي؟
ولا يدوب قهوة، وينسوني
تفتكري هتفرق حاجة واحدة ولا الدنيا هتمشي بدوني؟
أنا عايز أسيب نفسي لماية
مش فارقة أنا هغرق أو لا
أنا عايز أحس بحاجة باردة
غير ردك على كل مكالمة
أنا عايز أنام من غير ما أقلق
مش عايز أقوم مفزوع فجأة
مش عايز أعيط، ولا أصرخ
ولا أشوف العيلة بتتفكك
هو أنا ليه كل ما أقول خلاص هفوق وأبدأ أقوم، أقع من تاني؟
طيب ليه في جوايا كتير و الناس دي فاضيه مبتتمليش؟
