تعالالي يا عمري يا متغرب
تعالالي أنا بترجاك
بندهلك ترجع وتقرب
كلمني سمعني نداك
ياللي بعدت وروحت وغيبت وخدت الدنيا الحلوة معاك
أنا من بعدك عايشة غريبة
ناسية حياتي ومش ناسياك
سمعني نداك
جيت يا حياتي جيت يا عينيا
زي زمان نفسي تضميني
مهما بعدتي يعز عليا
تبقي وحيدة وتترجيني
جيت يا أحن من الدنيا دي
أهلا بيك نورت زماني
رجع الطير للعش الهادي
وأنا بهديك يا حبيبي مكاني
غني يا روح الروح
سمعني وإملا الدنيا بأحلى أغاني
والله وإحلويتي يا دنيا
واتغيرتي يا دنيا في ثانية
وضحكتي وغنيتي
كل طريق الشوق قدامي بقى مفروش بحرير
حلو اليوم ده وبكرا وبعده أجمل منه كتير
غنوا لبكرا وعيشوا لبكرا ده إحنا أملنا في بكرا كبير
افتح صفحة جديدة يا قلبي
وإنسى الماضي بكل ما فيه
طول ما أنا جنبي أعز حبايبي
أجمل حلم هنوصل ليه
عايزين بكرا يفوت يلاقينا بنحقق دايما أمانينا
مش عايزين الفرحة تعدي إلا إن كانت فوق ليالينا
يلا نعوض كل ما فاتنا مهما يكون يكون يكون
يلا نخلي النور في حياتنا يملا الكون الكون الكون
نسهر .. نتعب .. ننجح .. نفرح
كله عشان حبايبنا يهون
كل طريق الشوك قدامي بقى مفروش بحرير
حلو اليوم ده وبكرا وبعده أجمل منه كتير
غنوا لبكرا وعيشوا لبكرا ده إحنا أملنا في بكرا كبير
