وش جزاء اللي واهب عمره وحياته … للي يهواهم يا أمي وش جزاه؟
واللي يتمنى واكبر أمنياته … يسعد الغاليين في قلبه معاه؟
هذي انتي يا هنا الحب وغلاته … يا حنان ضمنا في هالحياة
هذي طيبة قلبك وهذي صفاته … هذا عذب احساسك وهذا وفاء
شبهوني بشخص الغالي وذاته … ليتني هذا الشبه اوصل مداه
انتي شخص ساميٍ دوم بسماته و… انتي ذاتٍ يشبه الغيث وصفاه
سكرك في قلوبنا ذقتي حلاته … واحنا من وصفك تقاسمنا حلاه
انتي كل العمر يا أربع جهاته … يا ربيع أيامه ودفوة شتاه
شاعرة واحساس المرهف فراته … سلسبيل القلب يا أمي ودواه
ياغياهيب القصيد وأمسياته … للشعر في حضرتك رونق وجاه
