من بعد مدة طويلة توّي في باله طريت
جاني متحسف ونادم، جاي مدري ليه رجع
من لمحته مقبل اثّر، فيني اثّر وانتخيت
بعزتي واسمي وجرحي وطعن همي والوجع
واذكر اني به سهيت، والله اني به سهيت
طاح جفني لمّ عيني تستر اللي له لمع
يوم ناداني وسلّم صحت ليه الحين جيت!
ماكفاك اللي حصل لي؟ مابعد طرحك جمع
آه منه صرت قاسي، من كبر جرحه قسيت
قمت أهذري للمسا وكل من حولي سمع
يوه آسف، ماني راجع، ماني راجع انتهيت
مالي حيل ولا لي قوة عالسهر وعالدمع
فيك خابت أمنياتي، وكل شمعاتي طفيت
رح أمانه للي تلقى به أحاسيس ودلع
ماني فاضي ياقديمي، من تفرّقنا بديت
اشعر اني كالسما ونجومها ليّا ربع
