مين متلك يا حبيب القلب مين
بتزيدني هجران وبزيدك حنين
بتفرش ع دربي الشوك وبتنسى الوفا
وبفرش على دربك زهور الياسمين
شوف القمر بيجاوبك لو تسألو
شو كنت ليلة أمس عم بحكي إلو
لو كان من صوّان قلبك يا حلو
حلّو على قلبي الوفي يرجع يلين
داوي جريح القلب وابعتلو خبر
قلبك على العشاق اقسى من الحجر
لو ترشق سهامك على قلوب البشر
ما في حدا بيضل ع روحو أمين
يا جارح المشتاق ومخبّي الدوا
بحلف ما بدنا نعود نتقابل سوا
بتمر صوبي بيرجع يفيق الهوى
وبكسر يميني كل ما بحلف يمين
