يا مرسال , يللي وجهتك صوب الشمال

عرج ع ديره عزها فاق الخيال

في لي بربعها أمانة غالية

الدهر فرّق شملنا , والهجر طال طال

هي روح شاعر عالربوع محولي

ومش ضيف .. فيها ساكنه ومطولي

بتطلع على عرش الجمال الأولي

لو تسابقو الحلوين ع تاج الجمال

شيدولا بيت من وبر الزهور

فصلولا توب من ريش الطيور

دللوها ... عيشوها بالقصور

معودي عالعز .. ع عيش الدلال

باعت مع النسمات مرسال الهوى

تا يقلها شو صار فيي عالنوى

جرحت وليفها .. وغابت , ومعها الدوا

وقطعت خبرها .. لا سلام .. ولا سؤال

كانت الي .. وكنت الها اول حبيب

صارت غريبة .. وصرت ع قلبها غريب

هيك الله راد .. والدنيا نصيب

ومش كل ما تمناه .. قلب المرء نال