مُره يا ليالي الهجر مُره

أكتر من العلقم ألف مرَّه

لمين العاشق بيشكي ما صابو

ولغير الخالق الشكوه مضّره

هجرني وراح عن عيني حبيبي

وبعدو يا ليالي السعد غيبي

بيقولوا ضحاك بضحك غصيبه

وإذا ببكي بعبّي ألف جرًّه

كنا ع شفاف الورد ضحكه

وفينا كل أهل الحب تحكي

افترقنا بين تكه وبين تكه

وعلينا زادت الإيام شرّه

يا ربي ترجِّع الغايب ع بيتو

زرعت الهم في صدري وعبيتو

شاعر داير يفتش ع بيتة

حبيبو قبل اخر سطر غاب

صارت الوردة ال بالدار صفره

وداري العامره حفره ونفره

يا ربي ترجع اللي راح سفره

وسامحني يا إلهي بعد مرَّه