من صخر قلب الزمان عالناس ظالم شقي
عنده محبه وحنان من وين راح يلتقي
بيفلش بفكرك غيوم بيجرحك تجريح
بيرزع بقلبك هموم وبيشلحك للريح
ما يحب لون الحياة أبيض وزاهي ونقي
ضعنا من غدر الأيام ونسمه صارت تلوينا
وحاملنا بحر الأوهام وموجاته تلعب فينا
من هالدهر حملنا كتير تصيدنا متل عصافير
ما فينا نهرب ونطير ع غفله بيلاقينا
ما بخلينا نرتاح وما بخلي النا جناح
داير وبيسرق أرواح ومتل الشمعه بيطفينا
خلى سهامُه القلب تصيب خلى القمر عنا يغيب
وعأحلى وأغلى حبيب كل العمر مبكينا
ضعنا من غدر الأيام ونسمه صارت تلوينا
وحاملنا بحر الأوهام وموجاته تلعب فينا
