عيدك يا عيد الزنبق النادي
وجوق حساسين تكر بالوادي
بالخير والتغريد ع صاحبة هالعيد
ويا ليالي العيد تنعادي
كل ما حياتك زاد فيها عام
بتقول عيد مبارك الايام
يا حلم شاعر ما انبصر بمنام
كل عام وانت طيبة وتبقى حياتك طيبة
ولا ليل عينك عالدموع تنام
يا ريت بقدر كمش النجمات
والعطر اجمع لك عن الوردات
واسرق من الحسون غنيات
بعيدك الغالي يا أعز من حالي
ابعت لك هدية مع النسمات
يا ورد يا منتور يا ريحان
يا فل يا بخور يا مرجان
يا ساقية يا نهر يا غدران
عيدوا بعيدها وباركوا جديدها
قولوا لها مبروك هالفستان
