اشتقنا لقُربَك يا حلو اشتقنا

عادت ليالي الشوق تحرقنا

قطعنا بحور الحُب كلتها

وإلا ببحرَك أنت ما غرقنا .. يا حلو اشتقنا

ان كتروا عصافير الحُب وان قلّوا

هالقلب غيرَك ما بيحتلوا

قِلو لقلبَك يا حلو قِلو

نحنا إله وكرامته خلقنا .. يا حلو اشتقنا

كل العمر ع غيبتَك أوهام

أحلام عم بتركض ورا أحلام

عشنا بزمانَك أسعد الأيام

الله وكيلَك أنت صدقنا يا حلو اشتقنا

مهما هوى العذال يلفحنا

نحنا منبقى متل ما نحنا

منغيب ومنرجع لمطرحنا

وما في ولا قوه تفرقنا .. يا حلو اشتقنا