غريبين وليل

بساحة اجتمعوا

صيف وحرب وليل

صدفة واجتمعوا

لا سألها من وين

ولا منتلاقى وين

يمكن حكيوا العينين وبالسِر توجّعوا

غريبين وليل راحوا ما تودّعوا

مش وقتك يا هوا

ولا إيامك إيام

يا عينين الغرام

اتريكيني بسلام

مش وقتك يا هوا

يا لفتات الهوا الما إلها دوا

أنا والله حرام أنا والله حرام

غريبين وصيف من لفة تغيرّوا

ونجماتك يا صيف السنة ما زهّروا

ما حدا عالطرقات غير عسكر وخيالات

صور من المسافات ع غفلة بيحضروا

غريبين وصيف…. بالخطر يسهروا

مش وقتك يا هوا

ولا إيامك إيام

يا عينين الغرام

اتريكيني بسلام

مش وقتك يا هوا

يا لفتات الهوا

الما إلها دوا

أنا والله حرام أنا والله حرام

أنا والله حرام أنا والله حرام