مين في الحياة دي ينسى يوم من اللي فات
مين فينا مهما كان ايه مالهوش ذكريات
فيه اللي حب ومتحبش وحس بعذاب
فيه اللي اتحب ومحبش وطلع كذاب
واللي بتيجي قصاده سيرة زمان
فيه اللي بيضحك وفيه اللي بيكي كتير كمان
ياه ياه يادي الذكريات
مهما كانت ايه عنها بتحكي بالساعات
وياه ياه يادي الذكريات
مهما كانت ايه عنها بتحكي بالساعات
الذكرى ديماً حلوة متعرفش ليه
واللي كتير ذكرياته القاعدة تحلى بيه
من ايام الطفولة الفرح مننساهوش
والحزن لما يفوت لايموت لا نضحك عليه
