اختصري عليي وعليكي وأحكي الحقيقة
أنتي غير قبل يلي تعشق معي الدقيقة
نظرات عيونك عم تقطع الأمل فيني
وين نظرات البراءة دققي طب طلعي فيني
لمسة أيدك عم ترجف ليش؟ حاسّك مجبورة!
لأ رجعي متل ماكنتي ماتغيري الصورة
لو حسيتي يلي بقلبي لتبكي من حركاتك
مارح يجيكي قلب يتحمل تصرفاتك
سألتك الأيام رح تغيرك؟
حلفتي مابتغيرك!
أوكسجينك تغير بشهيقي وبزفيرك!
يمكن طوّل حبنا هالفترة أنا وياكي
بس الوعد باقي ولساتني عند كلامي
معقول! ؟
لا لا ماتكوني خاينة للقلب القدّسك
للقلب العلّمك كيف تحبي وبحبو حسسك
خدي قرارك لو بكون تقيل على كتافي
طلعت حروفا من تما وقالت
ماعاد ينلفظ اسمك على شفافي
انكسرت الوعود راحت وتخلّت عنّي
مع دعست رجلا هية وماشية داست على ألبي
ياحروفا يلي طلعتي وعد مارح ئلا رجعي
ياعيوني على فراقا تحمّلي ولا تدمعي
انكسرت الوعود راحت وتخلّت عني
مع دعست رجلا هية وماشية داست على ألبي
ياحروفا يلي طلعتي وعد مارح ئلا رجعي
ياعيوني على فراقا تحمّلي ولا تدمعي
هلأ رح اشتاق للمساتك ومالاقيها.!
ياخسارة عيوني البكيت تــ عيونك تغفّيها
صوتي رح يشتاق ينادي اسمك يحبسها جوّا
حكمتي حكم ظلم عليي يا بنت حوّا
قلتلك أنتي أم أنتي أب لألي بهالغربة
هلق مجبور أنساكي لكن أفعلها صعبة
طب مو حلفتي بعيوني بعمرك ما تتخلي!؟
رح يضلّ مرسّخ كل يمين انحلف ببالي
كلّو كذب كلّو وهم كلّو خداع كلّو ظلم
فرحانة فارقتي عمري وقلبي قدامك انذل؟
معلش ياغلطة بعتذر ماعاد كررك وأندم
صفيت بقايا جوّا دفتر اسمو ذكرى ملل!
عقدة الحب يلي بيني وبينك هلق انفكّت
رح ضلني أتذكّر كل كلمة من تمك انحكت
كملي بطرقك كملي ويلي بدك ساوي
بس ياخسارة على حبّك أنا ماكنت ناوي
أنا ما كنت ناوي
كنتي غريبة
بعدا صرتي صديقة
بعدا حبيبة
وهلق رجعتي غريبة
انكسرت الوعود راحت وتخلّت عني
مع دعست رجلا هية وماشية داست على ألبي
ياحروفا يلي طلعتي وعد مارح ئلا رجعي
ياعيوني على فراقا تحمّلي ولا تدمعي
انكسرت الوعود راحت وتخلّت عني
مع دعست رجلا هية وماشية داست على ألبي
ياحروفا يلي طلعتي وعد مارح ئلا رجعي
ياعيوني على فراقا تحمّلي ولا تدمعي
لا تدمعي.!
