بقالي كتير متصنف

حطّني في حتة فكرة اني برا الدايرة ابص دايما تعتبر بخرف

مش مسمحلي أجرب حاجة غير الي إتقالتلي الف حاجة جت فاتتني برضو قالو شعرك علي جمب الطف

قطعت نص رواية نص حكاية دايما إتحكيتلي و إتقاليتي في كل مرة كنت بسأل ليه محتاج أقفل ليه محتاج أزرر القميص زرار زيادة ليه البيادة طلعت أشيك من جزمتي السادة

فجأة بقا حلمي احقق حلمه فيا

بجري قاطع نفس بقنع نفسي السكة ليا

فكر بدالي مش فرقالي أحدد إتجاهي في النهاية الصح مش معقول نتاج فكرة في خيالي

كنت فاكر اني في السليم طالما ساذج

طالما قادر

أرتب

قادر اذاكر

مش محتاج أناقر انا بس محتاج أسافر

لحتة تانية تستاهل اني فيها أعافر

بس ثانية هو الأراء دي بتاعتي

هل الإنصات نفعني ام هل الإقساط بنعلي

مش حاسس اني عايش أصلي حاسس اني عادي

في مكاني

مش فارق خالص عن جماعتي

جماعتي

احكيلك عنهم الف قصة

اتوعدنا لو طاطينا راسنا مش هنسقط

اتوعدنا لو طلعنا صوتنا فمرة تخرب

اتوعدنا كتير اتوعدنا بشرط نهرب

من حياتنا و من دوشة الواقع

ماسكين دراع بنهرب احنا طول نهارنا ضايع

كرسين و خشبة نزل شاي محدش طالع

كرسين و خشبة خف الشيشة صاحبك رافع

ساعة لما نفوق يقولوا فوقك شطانك

الجهل قوة أكيد فالإستعباد خلاصك

عايز تعيش معانا شيل دماغك حط فاظة

عايز تعيش معانا متحاولش تشغل راسك

إستعراض كبير مش بيستحملوا اني ابقي real

شايف في قتيل كله بيقول لا ده مستحيل

لا ده مستحيل

مستحيل يكون في هباب في النيل

كله جميل في بلدنا بناخده كله يا زميل

عادي في الأخر مش هنغير الكون

هيفضل بنفس اللون هنفضل بنفس ال فلو

برحب بيك معايا بس سيب ايد الهون

This is my life welcome to the double V show

عادي في الأخر مش هنغير الكون

هيفضل بنفس اللون هنفضل بنفس ال فلو

برحب بيك معايا بس سيب ايد الهون

Ladies And Gentlemen welcome to the double V show