من صغرى ببص على البلكونه اللى قصاد بيتنا
وبقول لو تطلع منها البنت الحلوه جارتنا
تضحكلى الدنيا معاها
تخطفنى ادوب وياها
لو شفتها يوم مع غيرى انا يجن جنانى
من غيرتى ... من صغرى
تلبسنى الحاله وفى البلكونه بقف اغنيلها
وبطبق احيانا سهران ولا عمرى بطولها
جمال صوتها بيجنن .... واصحابى يقولوا اتجنن
نصحونى اتعالج من اوهامى واشوف غيرها
انا قتيلها ... يااه خيالى تاعبنى
قاعد بيودينى ويجيبنى
تعبانى الفكره وعمرى ما شوفتها انا على فكره
وفى مره لمحت خيالها نطيت وجريت على بابها
شفت انا كائن مفهمتوش حاجه كده والت ديزنى
خضيتنى ... فصلتنى
وفضلت احلف لها انى
مش انا اللى كنت بغنى
ندهت لابوها قالتله عريس اتقدملى
صدمتنى ..... دبستنى
