ودي أشوفك..بس عاندني الزمان
ودي اتيه بزحمتك..وانساني فيك
ودي أرتب وضعي في حضرة حنان
غطاني من أول وجودي لين ذيك
استأذنك عطني من احساسك مكان
واسترني في قلبك وخليني مليك
من جنتك يبدو بإني لِك أمان
واتوقع إني في لقا حسنك ابيك
سمعني شعورك على سحر الجُمان
وابهرني في أجمل حروفك ياشبيك
سلمني مفتاح المشاعر أُقحوان
واسألني ياهذا الغرام لنا شريك
المسألة سهلة أحبك بافتتان
انت الحقيقة والحقايق ماتُريك
غير انك بقيثار أوتاره بيان
غير انك إحساسي وأسرابه تجيك
الشاعر ناصر العقيل
