مش قد كلامك متقولهوش
مش قد الحاجه متعملهاش
ليك حق ارجريله وماتسيبهوش
والغلطه اتعلم ماتعيدهاش
العمر ساعات يمكن لحظات
خليك عايش رافع راسك
خليك دوغري
وبلاش حوارت
هتعيش راجل قدام ناسك
متسلمش هواك لشيطانك
وتضيع كل الخير جواك
الكلمه االي نطقها لسانك
بتخلي الناس يا عليك يامعاك
الراجل مش كلمه بتتقال
الراجل موقف وقضية
ياهتبقي كبير ع الراس تتشال
ياهتبقي عديم الشخصية
لو معرفتش تجبر خاطر حد
ماتكسرهوش
لو حد بيحكيلك عن أحلامه
ماتحبطهوش
في كلام بيريح ويفرح
وكلام بيجيب الارض
اوعاك تقبل يوم علي غيرك
اللي انت متقبلهوش
كل ماتعمل خير مردودلك
والعداد بيعد
عيشها إيجابي و دايما خليك جد
في وقت الجد
اوعي تقول انا مالي و ايه يشغلني
مادومت بخير
ايد علي ايد بتساعد مش هتساعد
اوعي تهد
خلي الضحكه في وشك قدام غيرك
فيها صواب
سيبك م اللي واخدها بعافيه
كله نهايته تراب
كله حسابه لوحده
محدش هيحاسب علي غيره
ربك عالم بيك وبحالك
عدل وعمره ماغاب
كمل يومك كله بخير
بكره ده مش بأيدك
متعلقش الغلطه بغيرك
وانت الحق عليك
عامل كل الناس بالحب
هتكسب سيرة جميلة
لو هتعادي اتحمل
كله في ضهرك هيعيب فيك
