كان حضن زمان في بيت مليان

دفي وجوانا راحة روح

لا كان في هموم ننام ونقوم

علي الضحكه اللي مش بتروح

الحب يوماتي كان بيزيد

وكله شعاره ايد علي ايد

واغلب وقتنا كان عيد

وكنا نخاف من العيبه

سلامنا لبعض كان بالحب

مكنش رياء مكنش بكدب

مفيش فرصه لسواد القلب

في يوم يتعدي ع الطيبه

واجمل حاجه ع الفطره

في قت الشدة في كُتره

وده المجدع وده العتره

وده كبيرنا وكان هيبه

وقاعدة ماليها حكاوينا

وكام نوكته تسلينا

دلوقتي الفيس بيلهينا

أيام بقت صعبه غريبة

سرحت ف ذكريات رجعت

عيوني بالدموع لمعت

ايام و ياريتها كات فضلت

علي حالها معانا للشيبه

ياحضن زمان ياريت ترجع

تحلي ف مر ايامنا

تجمع شملنا تاني

نشوف الفرح قدامنا