هالعمر اللي غاب داير عَالطّرقات
يفرِّق الأحباب، يبعِّد مسافات
والتقينا سوا عَطريق الصّدفة
نسينا اسامينا والماضي ما بيشفي
الهوا خلف الباب يحكي تنهيدات
على قصص ناس رَسَموا حكايات
الشَّمس عَالغياب هالدنيّ خطوات
بمشيها بْعذاب لَيالي وساعات
ومشينا سوا وما وصلنا عَنفس الطَّريق
بْذات المحطة تلاقينا وضيّعنا الطَّريق
يا هالقدر القاسي، يا زمن المآسي
كيف بدّي كمّل مشواري ومحتاجة لرفيق
ومشينا سوا وما وصلنا عَنفس الطَّريق
بْذات المحطة تلاقينا وضيّعنا الطَّريق
يا حبي سامحني، اغفرلي وفيك احْبسني
كيف بدّي كمّل مشواري وخلصت الطَّريق
بكرا إذا وصلت، بِسأل حالي كيف
لَوَحدي شو عْملت عَهاك الرَّصيف
كيف كانت طريقي، شو اللّي تغيّر فيّ
رح يخلص المشوار عَالدَّرب المنسيّة
شو صَعِبْ الْفراق مع هوا الخريف
يوقعوا الأوراق وينمحي الرَّصيف
ومشينا سوا وما وصلنا عَنفس الطَّريق
بْذات المحطة تلاقينا وضيّعنا الطَّريق
يا هالقدر القاسي، يا زمن المآسي
كيف بدّي كمّل مشواري ومحتاجة لرفيق
ومشينا سوا وما وصلنا عَنفس الطَّريق
بْذات المحطة تلاقينا وضيّعنا الطَّريق
يا حبي سامحني، اغفرلي وفيك احْبسني
كيف بدّي كمّل مشواري وخلصت الطَّريق
