زرعتك للوفا ظل وجنيتك
تذوب الشمس وغصونك ظلالي
تجول بخاطري لا من طريتك
اماني ما لها اول وتالي
خذاني الشوق لعيونك وجيتك
طرى لي شي ما عمره طرى لي
على بالي ولا لحظة نسيتك
اسولف فيك من حالي لحالي
تغيب الناس لا جيت ولقيتك
اشوف بضحكتك وقت مضى لي
خذيت من العمر عمر وعطيتك
دفا الايام وسعود الليالي
انا وشلون اعيش ان ما لقيتك
تذكرت الغياب وضاق بالي
تعال وقلبي المشتاق بيتك
فرشت الورد لقدومك يا غالي
