الضو الأحمر
سبحان الله فهاد الكون
سبحان الله فهاد الناس
وناس تبيع الناس رخاص
سبحانو من كرم الناس
وآنا ماشي شافت عيني
جنب الرصيف فالضو الاحمر
شافت منظر ولاد صغار
شافت عيني جيل مخدر
جيل يدمر روحو بيديه
الغلطة زاروها الكبار
مرة ثاني شافت عيني
ولاد صغار بلا عنوان
ولاد صغار فعمر الورد
فعالم ضاع فيه الحنان
سبحانو من كرم الناس
سبحانو بعبادو لطيف
شكون يوقف هاد النزيف ؟
فالضو الأحمر جنب الرصيف
