"لو تنادي بصوتك إسمي .. قلبي يسبقني عليك
من ضلوعي يفز يركض .. صوب ايدينك يروح
حتى عيني وكل ما فيني .. آمر وكـلـي اجيك
نظرة وحدة تشفي روحي .. من عذاب ومن جروح
أحب اسمي .. على شفاتك
واحب كل شيّ بصفاتك
انا عايش .. و اتنفس
لأنك ساكن بهالروح
لا تغمض عينك ارجوك .. خلي شمسي طالعه
ما يدل دربي سواها .. وما أشوف انا بوضوح
وخلي ايدك .. في ايديني .. لما قلبي تسمعه
حتى في صمتي وسكاتي .. نبضي في حبك يبوح
أحب ذوقك .. أحب ثوبك
أحب أهلك .. وأصحابك
أحب فرحك واحب زعلك
ولو تقسى عليّ مسموح"
