تدري انا احبك حبيبي وتدري
اني بعد غيبتك انا يضيق صدري
خلك بقربي ياغناتي وعمري
ياللي العمر دونك حبيبي مايسوى
ياللي ملكت القلب من يوم شفتك
من كثر زينك ياحبيبي ماطفتك
ابهرتني من يوم شفت وعرفتك
ياللي العمر دونك حبيبي مايسوى
الحب صاير في حياتي وسنيني
وتبقى حبيبي ساكن ٍ وسط عيني
ولا سوى غيرك حبيب ٍ يجيني
ياللي العمر دونك حبيبي مايسوى
وانا الذي لجلك اعاند ظروفي
كله لجل تمسك كفوفك كفوفي
وانا بقربك يبتعد كل خوفي
ياللي العمر دونك حبيبي مايسوى
وانا الشعر لجلك حبيبي نظمته
ولجلك انا دايم حبيبي كتبته
ولا تركته في حياتي وعفته
ياللي العمر دونك حبيبي مايسوى
واليوم نسهر فالمحبه ولاهين
وعلى سوالفنا حبيبي سعيدين
ولا مثلنا في هالمحبه حبيبين
ياللي العمر دونك حبيبي مايسوى
