خلاص يا دنيا الكلف والندامه
ماهمني من جاء ولا اهتم من غاب
ماشي بجنب الحيط وابغى السلامه
حتى الحبايب ما ابي منهم احباب
احيان اسوي نفسي ابوالفهامه
واكذب الصادق واصدق في كذاب
كم جاتني طعنات خلف ابتسامه
كم ظن احسنته وياللاسف خاب
في مجلس العمر وليالي كلامه
بثيت شكواي لقريبين واغراب
اطيح مايبدي احد اهتمامه
واقوم باوجاع الزمن وامسك الباب
واقف على عمري اناظر حطامه
وادور لقسوة لياليه اسباب
وبين انقاضه واسفل ركامه
على رفوف الجرح القاني كتاب
