‎سابوك في البيت

و غصبن عنك استنيت

و مشيوا و قفلوا من بره

ب مية ترباس ولا حسيت

سابوك بتبص ع الحيطه

تروح من اوضه على اوضه

بتعدل صوره معوجه

و اتاري العوجه كات ف الحيط

سابوك عايش على املك

لكن وجع الغياب ألمك

بقى وجودك شبه عدمك

لحد م فعلا اتضريت

تخبط ناس عليك عايزاك

تعوض ناس كانت آذيك

و نوبه شك فيك قاتلاك

و متعلق ف اضعف خيط

دخلت تبص ف الدولايب

ف درفه لقيتها مخلوعه

لقيت صوره بين الكراكيب

و صورتك منها مقطوعه

لقيت كام ذكرى مرميه

مشاعر بايشه ف الميه

ف بيت انواره مطفيه

و كان سكانه اهل العيب