ورجعنا تاني للشتا ولذكرياتنا
ورجع الحنين رجع السهر ورجعنا نسرح في الصور
ورجع يمر قصاد عنينا شريط حياتنا
ورجعنا تاني للاغاني ومج شاي فيه الدفى
والمشي اوقات المطر والضحك اوقات الصفا
ورجعنا نتخايل بناس مابقوش معانا من الاساس
رجعنا للوقت اللي فيه كل الساعات متوقفة
مش بس وقت من السنة نتدارى فيه جوة البيوت
دة لقى وفراق وجع واشتياق وعتاب ولوم مالهومش صوت
مع كل ايد بتدفي ايد ايد سايبة ايد
مع كل نقطة من المطر اعجاب جديد
مع كل فنجان قهوة ريحة عمر فات
مع كل غنوة في بالنا تصحي الذكريات
