يا رَيتْ لو كنّا

أنتِ وأنا سواراتْ

الخَيْط حَدْ الخَيْط

و يضحكوا الخَرْزَاتْ

خَشْخِشْ أنا: بحبّك

وتْخَشِخْشِي إنتِ: شو بحبْ هالشَّغلاتْ

يا ريتْ لو كنّا

أنتِ وأنا كلماتْ

الحرف حدّ الحرف

ونألّف حكايات

في بنت حبّت شب

ونطرتو عَ الدرب

يا ريح حاج تهب

تغبّروا الشّامات

يا ريت لو كنّا

أنتِ وأنا نغمات

الصوت حدّ الصوت

بالقصب رنّات

يا روح لا تحزني

الموّال قبل الغني

بيدوزن الآهات