في الجو برودة والقلب برودة
ودماغي مليانة خفافيش وأسودة
ده حنين وده شوق
ودي نار وده طوق
ودي عادي شقوق في حيطان الأوضة
وأروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
أوضتي دي برمودا
لا جحيم ولا روضة
ثقب أسود م الأخرام السودا
الضلمة ستارة
والذكري سيجارة
والخوف ده إشارة وأكيد مقصودة
أروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
مناخيري مسدودة
أعصابي مشدودة
ركبتي متنية وإيدي مفرودة
لا عليها ولا لها
ولا طايلة آلهة
ومفيش حولها ولا إيد ممدودة
أروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
كل ليلة برد أخاف
لما أخاف بقول يا أبويا
عندي حق في المخاوف؟
ولا عندي بارانويا
خايف الكوابيس تكمل
بالنهار وتكون حقيقة
خايف العفاريت تعشش
في الدماغ وتكون صديقة
خايف النبوءة تفلح
والأرصاد تكون دقيقة
وبكرة تبدأ موجة تانية
فيها تلج وبرد تاني
لولا خوفي ورعشة إيدي
كان زماني.. وكان زماني
بكتب فيلم كل ليلة
بدل ما أكتب في الأغاني
فين مكانِك؟ فين مكاني؟
ليه مفيش في الكون معاني؟
مين قاصد يكون أناني؟
غير أنا وصلاح وماني
إيه حصل نساكي اسمي؟
وأنا إزاي نسيت معادي؟
هل في هزة في صوتي جامدة؟
حاسة بيها ولا عادي؟
في سؤال راودني فجأة
وأنا في أوضتي في المعادي
إمتى ميجان هتفاجئنا
وتقرر تخلع من هاري؟
آه يا هاري.. يا أمير
يا يتيم.. أرجوك حذاري
المجهود مش كل حاجة
بزياداك.. خليك مهاري
مش كل الغلطات مردودة
مش كل الذهابات ليها عودة
وأروى جودة مش موجودة
أروى جودة مش موجودة
أروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
فيه ليالي مشهودة
وليالي مفقودة
وليالي فلالي نادرة ومعدودة
ودي ليلة قلقانة
لا سرور ولا هنا
هل ذنبي إن أنا خياراتي محدودة؟
أروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
أروى جودة مش موجودة
أروى جودة ليه مش موجودة
