مش هى دى صورك دى مش هوه قلبك ده
يا عشره عمرى دى ولا كده وكده
لا فاهمنى ولا دارى بيه والاسم انك حبيبى
ونسيت الذكريات وسمعت لده وده
والصوره ديه ذكرى عليها تاريخ لقانا
والصوره الثانيه شاهده عليك وعلى هوانا
ايه اللى جرالنا ايه حاسدونا ولا ايه
ده ذنبى ولا ذنبك وازاى نرضى بكده
ماعدش باقيلنا فرصه غير نرجع من البدايه
ده العمر قصدنا لسه ولا انت مش معايا
قلبى اللى سكت فيه اندهله ح تلاقيه
عايش بينادى اسمك اجمل واحلى ندا
