حياه بقت ممله ايام شبه بعضها
الاوقات الحلوه من قلتها نسيت شكلها
الفرح بيجي يوم والحزن طول السنه
وابص في المرايه واحد تاني لا مش انا
بقيت مش عارف عاوز اي تايه وسط عتمه
حاسس روحي خلاص بيتطلع من كتر الكتمه
كل مالاقي نور اقرب منه بسرهدعه يطفي
ومع مرور الوقت فيها عقلي بقي بيهزي
عمال بصرخ وانادي كله عامل مش سامعني
غرقان في بحر عذاب بياكل كل حته مني
بحاول في اعافر نفسي بجد منه اخلص
والعمر بيجري مني واوكسجيني قرب يخلص
اكتئاب بقي ملازمني بعد ماكان فتره معايشه
بقعد لوحدي اهلوس افعالي بقت طايشه
كل حاجه زهقت منها مش مستحمل اي بشر
مش باقي عليكو صدقوني قلبي اتحول حجر
قاطعت كل الناس مبقتش قادر اشوفهم
حتي انتي ياللي مني اتغيرتي بقيتي زيهم
كنتي زمان بتسمعيني واحكي عن وجع قلبي
سبتيني بقيت لوحدي وبتلوميني تقولي ذنبي
بس عندك حق مانتي قولتي ليا اخلي بالي
وان العزف ع الاوتار لما يخلص هبقي لحالي
خلصت كل الاغاني وانا بقيت وحيد سابوني
ورغم اني نسيت وشهم لسه بيغتابوني
اللمه دي كدابه وانت عارف بس ساكت
لما تقع يوم ف شده هتلاقيها عامله ماتت
واللي سبته انت زمان لقيته ف ظهرك لما داقت
هي الدنيا تحب العوج كل حاجه فيها مالت
هتلاقوني معاكو بضحك عادي بعمل كل البدع
ولو دخلتو جوه مني هتلاقو الف وجع
بتظاهر اني كويس رغم اني شايل هم
خايف اطلب منك العلاج تدوني بداله سم
بعدت عن ربنا خلاص ضميري بقي يميل
بس برده خايف اني اقابل عزرائيل
وف نفس الوقت عاوزه يجي عشان خلاص زهقت
من الدنيا ومن اللي فيها كل حياتي قيت زفت
بقعد لوحدي كتير افتكر ف اللي عدا وفات
لو يرجع بيا الزمن كنت هغير في حاجات
ولما افوق م الوهم ابص الاقي الجاي اسوا
الخير والشر اختلطوا مش عارف بينهم افرق
ضميري اتبري مني لما لقونس بقيت فرعون
قلبي جحد ع الكل جحوده يكفي كل الكون
كان حواليا ظيطه وطبل كانو عزوه بالنسبالي
ولما وقعت كله باع سابوني فيها لحالي
مبسوطه مني قولي ولا لسه هتلوميني
حاولت انقذ نفسي بس جيتي وغرقتيني
بقيت شيطان ع هيئه بشر ايوه علمتيني
اخر صراع بيطلع موت كل اوكشجيني.
