النهارده كان يوم لطيف
مع إنه شتا حاسو خريف
بالنسبالي إحساس غريب
من غير قلق أو تفكير كئيب
يوم بحاله من غير مصيبة
عارف إنها حاجة غريبة
حاجة غريبة حاجة غريبة
الدنيا بقي لها طعم جديد
عب حليم شغال في كشك بعيد
ده يوم حد بس حاسه عيد
نايم بحلم دي حاجة أكيدة
قفلت المنبه من قبل ما يصحيني
القاعدة كانت دافية حمامي مستنيني
عرفت تجهز أسرع مني طب وريني
هدومي مكوية كأني لابس ميري
خلص و إتشطف عالمطبخ، كباية قهوة نتصبح.
مية الكيتل كانت سخنة، إدلق و قلب و إضربها.
غمس في القهوة بسكويتك، قبل ما تاخد أدوينك.
صلي أنت لسه متوضي، أطلب كام حاجة من ربي.
مش خرمان ماجبتش مريت.
مش خلاص إتسستمت.
كنت فاكرها إستسلمت.
بس نفسي إتغلبت.
علي الضلمة لو ليوم.
هغمض عيني أروح في النوم.
في أحلامي أغطس و أعوم.
أعدها تاني أخلص و أقوم.
سايق للشغل مش مدمع.
كأني مستحمي ببيبي جونسون حزني مش مسمع.
لاني صحيت من كابوس مستني بس أجمع.
شغلت أغنيتي المفضلة، يلا سمع
النهارده كان يوم لطيف
مع إنه شتا حاسو خريف
بالنسبالي إحساس غريب
من غير قلق أو تفكير كئيب
يوم بحاله من غير مصيبة
عارف إنها حاجة غريبة
حاجة غريبة حاجة غريبة
دخلت الشركة شفتها
سلمت عليها و بوستها
أي يوم تاني كنت شاورت
مبصتلهاش في وشها
الصراحة مبستهاش
بس عشان القصة زقها.
سيبني أدي القصة حقها.
سيب روحي تاخد رزقها.
بعد سنين تساؤل، محتاجة كانت يوم تفاؤل
نمرتك طب تيجي ناكل، حضرتك ميرسي التساؤل
أيوا أنا مبسوط سعيد، أيوا ده إحساس جديد.
هل معدي هل قعيد؟ نفسي بس مش أكيد
فرصة جتلي، هغتنمها.
إبتسمت بصيت عالسما، و خدت نمرة
ممكن دعا، ممكن دوا.
ممكن حظ جه لواحد كان إستوي
مش هتسائل مش هدور
لو قلت مش خايف أبقي بحور.
لو هيخلص ذاتس أوكاي
لو هيعيد نفسه يبقي جراوندهوج داي
النهارده كان يوم لطيف
مع إنه شتا حاسو خريف
بالنسبالي إحساس غريب
من غير قلق أو تفكير كئيب
يوم بحاله من غير مصيبة
عارف إنها حاجة غريبة
حاجة غريبة حاجة غريبة
