رمشة عينك تغوينا … و بترمي سهام و تكوينا

نظرة حلوة من عيونك .. بتبل القلب و تروينا

كيف ما رضيتي بجيرتنا ... شو نسّاكي عشيرتنا

بعلمي رضيتي بديرتنا و خاويناكي و خاويتينا

مين نساكي هالجيرة البتحبّيها .. مين نساكي

مين وصّاكي يا زغيرة تاتعيفيها ... مين وصاكي

خلّي بقلبك غنية غنيناها ... حبيناها

و أحلام حبك مضوية تمنيناها .. ما أهناها

يا با اووووووف ...

كيف هويتينا زغيرة و انتي كبيرة ما بتهوينا

أوف سوى هالقلب يا حلوة ما عنّا

حرام يضل عفراقك معنّا

قلب حيران يتنهد مع الناي

بيشكي وحدته لطول الغياب

كيف ما تروحي بتشتاقي تكوني عنا ...رح تشتاقي

وين ما تسوحي ما تلاقي اوفى منا.. ما بتلاقي

عنا زهور بتتمنى تطل عليكي... مين ما تمنى

عنا طيور بتتغنى بعينيكي ... مين ما تغنى

يا با اوووووف .. الله بهالخلقة تأنى و بتصويرها و بتكوينها