هيدا اللي باقي ع ورق
شوية حبر عم ينسرق
كل شي إنكتب راح إنمحى
متل العمر يلي مرق
شايف قلب عم ينقسم
لمحة حزن عم تنرسم
تحكي القسى . . تشكي التعب
تبكي على دموع الندم
هب الهوى ونام الشجر
شوف الغصن كيف إنكسر
صورة من الماضي إنمحت
راحت ماعاد إلها أثر
قلبي اللي كاين تجرحوا
ودعني تارك مطرحوا
راح وماعاد يرجع إلي
صعب عليك ترجعوا
بيني وبينك في ملل
والعاطفة صابا كسل
قلبي هرب منك إلي
قلي ماعاد منك أمل
هب الهوى ونام الشجر
شوف الغصن كيف إنكسر
صورة من الماضي إنمحت
راحت ماعاد إلها أثر
