قرب هنا قرب
ومتشتريش جرب
لو بس تسمعني
تضحك وتستغرب
قصة ولا الأفلام
وبطلها بيعاني
من الجري ورا أحلام
رايحة في طريق تاني
هحكي ومن غير كام
لو بس هتقرب
من صغري ع الإشارات
فارش مناديلي
بجري في طرق وحارات
وبغني مواويلي
واضحك تبان سنتي
مكسورة من ضحكتي
غنيت كتير قصتي
ويا مين يغنيلي
قبل اما تنساني
قرب هنا تاني
هتلاقي عنواني
تايه ومتغرب
الحلم خرشمني
بعد اما عشمني
ويا مين يواسيني
ويا مين يكلمني
ولا انتو هتغيبوا
وتشيلوا دوايركم
وتروحوا وتسيبوا
زي اما ساب غيركم
وافضل هنا وحدي
واقف بكلمني
صوت الغنا المنحوس
رافض يغنيلي
لكني لسه بدوس
وبغني يا ليلي
واضحك تبان سنتي
مكسورة من ضحكتي
غنيت كتير قصتي
ويا مين يغنيلي
قبل اما تنساني
قرب هنا تاني
هتلاقي عنواني
تايه ومتغرب
