يا وجع القلب
يا دنيا و واخدة مني كتير
وسايبالي جرح وجعه كبير
أشوف وشك خلاق على خير
يا فرحة في قلبي مكسورة
يا حلم حلمتو ومطولتوش
كلام جوايا ما نطقتوش
يا بر أمان وما وصلتوش
حياتي عالهم مجبورة
وزيد عالهم هم كمان
وعالدمعة بحور أحزان
أنا فيَّا ما عادش مكان
يتحمل فراق غاليين
يا وجع القلب ملازمني
وقاطم ضهري وكاسرني
في مين في الحزن يقاسمني
يشيل عني اللي حاسس بيه
يا واخد مني أغلى الناس
وكاسر فيَّا أنا الإحساس
هموم الدنيا لو تتقاس
هتبقى أقل من اللي أنا فيه
يا وجع القلب إيه مالك
ما فيش غيري يعني قدامك
عليّا حلفت حلفانك
ما شوفش الراحة لو ليومين
