بلا ما نهضرو على الطفــولة حيت كنعقلو غير على الرجولة
خلقنا تربينا وكبرنا ف الزنـقة اللي راسا ديما كنبوسولَه
علمتنا بزآف وخّا غولة.. الزنقة في الرحمة كســولة
قرّاتنا وطلعنا كنطيروا وخّا فـ المدرسة كنبانو غي سطولة
والدينا كانوا غير ضُعفآ قنعوا بالحلال حيت شُرَفآ
خلّوا الدنيا كتجرِّي غير بوحدا كانوا عارفينها غير خرافة
علاش حنا جاتنا ولّافة!.. جاوبتنا الزنقة حيت شوّافة
زماننا ماشي فحال زمانم هما ماكانوشي من الفقر خوّافة
شوف الوقت كيفاش تبدل.. شوف بنادم كيفاش تبهذل
شوف الزمان اللي خلّا الدمعة على خد الراجل تنزل
الحُمق الحبس المحمل.. غتفكر فـ الرابعة تهبل
شوفلك كيفاش تجيب راسك فـ الزنقة وماتخلي حتى شماتة يترجّل
الزنقة عندا قوانيننا.. الدقة فـ الحيط ولا فينا
واذا شوفتيني جايب راسي فيها مكالي برضى يمّا الحنينه
الكاغيط حاكم فـ هاذه المدينة.. الحگارة غادي يزطمو علينا
والدراع اللي ما يجيبا بالدراع معاهم آ صاحبي قطعو وسالينا
حياتنا غير كذبة.. دازت بالزربة
قلوبنا خربة.. حيت جوع ولد الكلبة
حياتنا غير كذبة.. دازت بالزربة
قلوبنا خربة.. حيت الفقر ولد الكلبة
الزنقة علمتني منخونشي.. الثقة ماعنديشي فـ كلشي
كنموت مع صاحبي وإذا اطلع اشماتة كنليكيدي ومكانعقالشي
الزنقة علمتني منخافشي.. فين ما جابتا الخبزة نمشي
ها ديالك ها ديالي ما نسالك ما تسالي باش ما يبقاش عجينك ف كرشي
الاصحاب اللي تقلبو خونة.. غتجيبوم الزنقة بگانة
كيقولو الكريمي والليل ورّيوني فين هوما؟ ما كاينة ذبانة
كاينة علينا ولّا معانا.. وكيف كيف عندي أنا
والدنيا خليها كتدور وكتميل وتغني فحال شي سكرانة
الرجال كيموتوا بالغدرة.. الشمايت كيتذبحوا بالحگرة
كنضحكوا وكنبكيو من القلب ما كانّافقو مكانعرفو ضحكة صفرآ
مكانربيو كبدة على عشرة.. الفلوس كيبدلو البشرة
شمتة مور شمتة تعلما طّحّنّا ولّينا ف الشمايت خِبرة
رضعنا السّم من صدرا.. الزنقة يمانا العاقرة
ما ترحم فينا حتى مسخوط غتدفنو بالروح إذا طاح فقَبرا
قلوبنا ولّات كيف الحجرة.. كنشوفو غير بالعين الحمرآء
كنلعبو مع الدنيا كنحاولو نربحوها وخا عمرها طلعت خاسرة
حياتنا غير كذبة.. دازت بالزربة
قلوبنا خربة.. حيت جوع ولد الكلبة
حياتنا غير كذبة.. دازت بالزربة
قلوبنا خربة.. حيت الفقر ولد الكلبة
