البس اللى عايزه
و الصاحب اللى عايزه
واسمع اللى عايزه
مش مهم اللي انتا عايزه
من زمان ورقتي بيضة عمال فيها يتكتب
ان الأوان إني اتكلم إني افهم اسأل السبب
كلمة حرام زي لبانة في بوق اوسخ مجتمع
بتحكمة شوية مظاهرة بيحركه اللى اتسمع
لو كنت انتا مُنزه .. او بتغلط زينا
في الحالتين حكم ده باطل وانت مش ربنا
ف انسي لوني وانسى شكلي
وانسى كل اللى يخصني
انا مش شايفني بغرق ومستني اللى يشدني
انا عارف اني صح
ولو غلط يا سيدي ب فرض
سبني أقع و اقوم لوحدي
سيب رجلي تاخد على الارض
والشكر كله ليك والشكر ده لأمثالك
لو خليتك انتا فى نفسك لو روحت وبصيت لحالك
انا حر
همشي و آمر
مش كل خطوة هدوق المر
دا مهما يكون ..
الشأن شأني لو مش بضُر
انا حر يعني سيبني
هتغير ايه لما تحاسبني
لو بنا فروق
مابتتفقش لو هتهاجمني
كام كلمة اتقالت و اتحفظت
وزهقنا بالترديد
وجيه الوقت اننا نفهم
نكسر خوفنا من التجديد
مش أرائك انتا يعني اللي هتحقق انجاز
متحدفش الناس بطوب
وانتا فكر بيتك شاذ
بتنصح فى العلن بتمشي و بتفرق مواعظ
وفي الضلمة مزاجك يعمل اللى هو عايز
فمثلا لبس بنت يضايقك تتريق عليه
بس من جواك بيفكر لو معاك دي هتعمل أي
مجتمع متناقض ناقض كل شئ وعكسه
اكتر حد حب ذاته اكتر حد كره نفسه
طب واجه الفساد طب واجه الاستعباد
بعد كده ابقي علق المشانق للعباد
ف الخلاصة عايزك تمسك لما حاجة تغيظك
أما رائيك لو فى الناس روح وحطة..
انا حر
همشي و آمر
مش كل خطوة هدوق المر
دا مهما يكون ..
الشأن شأني لو مش بضُر
انا حر يعني سيبني
هتغير ايه لما تحاسبني
لو بنا فروق
مابتتفقش لو هتهاجمني
