انتي اللي بس قادرة اضحي
و كل ما كبرت تزيدي خوف عليا
حتى عيوبي تقدري اتنحي
و تشوفي احلى شي قاعد فيا
———————————————
يُمَّا يا محلى اوقاتي و انتي فيها
شاهي و عشية و ذكريات زمان
يُمَّا يا مدفى ايديك امتى نجيها
و نحط راسي وسط احلى مكان
يُمَّا
———————————————
يُمَّا و لما تنادي باسمي تغني
و تقولي خيره الغالي غاب عليا
و مهما نطول تقعدي تستني
و تقولي توا يجيني بعد شوية
———————————————
لو تعرفي قداش نبدا راضي
على روحي لما نشوفها في عيونك
و انحس عمري كيف توا بادي
مع كل يوم و لا يوم يحلى دونك
يُمَّا
يُمَّا يا محلى اوقاتي و انتي فيها
شاهي و عشية و ذكريات زمان
يُمَّا يا مدفى ايديك امتى نجيها
و نحط راسي وسط احلى مكان
يُمَّا
