نعيشو في زمان مات فيه القليل

وزاد مال سي فلان معبّي جياب

غيرو في الليل يصوم

حالك يا بلاد مليحة ناسك تبان

كي توالف وتمشي بالتّمام

تلقى لمليح يخون

فيك اللي كبّر وعلّم المحبّة صوارد

وكي لقى ما خبّى كبيدو

بعد ما ربّى تركوه

كردونة فراشو وشوالق صارت لباسو

ذبالت مالنّدوة انفاسو

طالب رحمة الموت

وصغير في شوارع للناس مادد يديه

لا عرف لا حنانة لا أصحاب ولا والدين

كي يشوف أندادو مالدّمعة تجف العين

لا شاف أعياد وبيه يتحرّش الغير

والناس تلوم و تسمّيه وليد حرام

خوّان لسانهم سكّين قطّاع أوصال

ربّي حسيبهم يوم تتوفّى الأعمار

لا ينفع مالكم

ولا إسم فلانكم

تلقاو أفعالكم واللي درتو في النّاس

دنيا غدّارة مكر وفيها المكّارة

مات ضعيفها في الغارة

والمليح فيها قليل

فيها البفسادو تغلقت بيبان حياتو

بعث صغيرة بناتو خديمة في ديار الغير

تهجر من ريفها لمدينة صعيبة رغيفها

في سرايا غريبة مبيتها يطوال عليها اللّيل

كي تشوف بنات في مدارس وهي غسّالة ملابس

وعلاش الظّلم يتمارس في مكان الخير

شفنا في زماننا عجايب في كل مكان

الفلوس عماتنا تقاس ابن آدم بالمال

الكتاب نسّاتنا وجرينا وراء الحرام

الخديعة كساتنا وما صدق علينا كلام

وعمر قصير يجري بينا فكل لحظة تفوت

تقدّم بابن آدم خطيوة خطيوة للموت

مش دايم فيها غير اللي خلق الكون

لا ينفع مالكم

ولا اسم فلانكم

تلقاو افعالكم واللي درتو في النّاس

أمان أمان

أمان أمان

أمان أمان

أمان أمان أمان