يا ابو بالطو أبيض

و القلب أبيض

أحلى مافيك الابتسامة..

يا غالي عندي

أهل البلد دي

هيطولوا بيك بر السلامة.

*عودك صلبته صاحي تمِلّي

ولا انسحاب

ولا تخلّي

رجعنا خطوة

وسبقت إنت

صلينا وانت

بيّنا المُصلي.

تعبك على راسي وعلى عينييا

نجم عالي يا قصر عيني

ولا مللي خوف

قادر تشوف

سكة سلامة

رغم الظروف..

الحرب صعبه والحارس الله

واحنا معاكو مش خايفين

والشعب واقف على رجله

طول ما انتوا على رجلكوا واقفين.